Röskva er flink fjögurra vetra hryssa. Hún er undan Hætti frá Þúfum, keppnishesti Mettu Manseth, sem er undan Eið frá Oddhóli og ræktunarhryssunni Lygnu frá Stangarholti. Móðir Röskvu, Sletta frá Sauðárkróki, hefur verið að gefa gott, hún er undan heiðursverðlaunahestinum Anga frá Laugarvatni og Hervöru frá Sauðárkróki sem var undan heiðursverðlaunahrossunum Hrafni frá Holtsmúla og Síðu frá Sauðárkróki.

Röskva frá Sauðárkróki, knapi Ólafur Andri Guðmundsson. Ólafur Andri hefur séð um þjálfun Röskvu síðastliðnar vikur, en hann er yfirtamningamaður í Austurási.

Hún er heldur skrautleg, Hróðursdóttirin sem Álaborg frá Feti kastaði í síðustu viku. Hún er rauðglámblesótt leistótt á öllum fjórum fótum. Hún verður svo sannarlega til að poppa upp litaflóruna í tryppahópnum. Álaborg fer undir Krák frá Blesastöðum í vikunni.

This little gal is very flassy, a splash gene chestnut with a blaze and socks on all fours. A daughter of the 1. prize mare Álaborg frá Feti and honorary prize stallion, Hróður frá Refsstöðum. She will definately spice up the color trend of the youngsters at Hamarsey. Álaborg has a reservation by Krákur frá Blesastöðum and is going there this week.

Hún er virkilega heillandi, bleikstjörnótta hryssan sem við fengum undan Selmu frá Sauðákróki og Hákoni frá Ragnheiðarstöðum fyrir um mánuði síðan. Hún hefur erft mikið frá ömmu sinni, Hátíð frá Úlfsstöðum, það sést svo ekki er um að villast á höfðinu og svipnum.

Sóllilja tekur sprett í túninu á Hamarsey.

Tvær hryssur eru eftir ókastaðar á Hamarsey. Fyrstu verðlauna hryssurnar Fasta frá Hofi og Álaborg frá Feti. Fasta er fylfull við Álfi frá Selfossi og er búið að panta rauðskjótta hryssu undan henni.

Við höfum nefninlega verið frekar einlit í sumar, fengið tvö einlit undan Álfi og eina stjörnótta undan Hákoni (rauðskjóttur). Þannig að það er kominn tími á litskrúðugt folald.

Fasta, kominn á 10. mánuð. Ingólfsfjall í baksýn.

Hóstapestin er að mestu gengin yfir hjá okkur á Hamarsey. Okkar hross fengu pestina frekar seint, eða í byrjun maí og síðar. Fyrst smituðust hrossin sem við vorum sjálf með í þjálfun í Hafnarfirði, en seinna hryssurnar sem voru hjá Ella og Viðju í Langholti. Sara frá Sauðárkróki og Linda frá Feti eru komnar í þjálfun. Sara er komin í Langholt og er stefnt með hana í kynbótadóm í lok júlí. Hún er með 8,25 í aðaleinkunn en við teljum hana eiga töluvert inni. Linda er enn á Hamarsey og í trimmi þar um sinn, stefnt er með hana í keppni síðsumars.

Inga og Sara á Hamarsey í vikunni.

Þær teygðu heldur betur úr sér eftir nætursvefninn einn morguninn síðastliðna helgi þegar við komum að þeim öllum steinsofandi á Hamarsey. Þetta eru hryssurnar sem voru í þjálfun í vetur auk 6 veturgamalla hryssna.

Sara (standandi) og Röskva (liggjandi) geifla munninn, geispa og teygja á kjálkaliðnum...enda miklum tíma varið í það að bíta...bíta bíta bíta gras gras gras.

Hrund frá Árbæ, 1. verðlauna Keilisdóttir, kastaði fallegum fífilbleikum hesti undan Álfi frá Selfossi í síðustu viku. Hann fékk nafnið Heiður frá Hamarsey. Hrund er mikil stóðhestamóðir, Heiður er fjórða hestfolaldið sem hún færir okkur. Það má lesa meira um Hrund hér. Við fórum með Hrund á Fet til móts við höfðingjann Hróður frá Refsstöðum sem tók vel á móti mæðginunum. Má sjá myndir frá því með því að smella á Lesa meira...

Heiður frá Hamarsey, fífilbleikur.

Við skelltum okkur norður í Skagafjörð um helgina og kíktum á 4 vetra hryssu í okkar eigu sem hefur verið í þjálfun hjá Mette og Gísla að Þúfum. Hryssan heitir Hugmynd frá Sauðárkróki og keyptum við hana veturgamla af Guðmundi og Auði á Króknum (www.hervar.com). Hún er undan Viðju frá Sauðárkróki sem er 1. verðlauna Otursdóttir. Faðir Hugmyndar er Háttur frá Þúfum, undan Eið frá Oddhóli og Lygnu frá Stangarholti.

Hugmynd frá Sauðárkróki, knapi Mette Manseth.