Um miðjan maí kom þessi gullfallega hryssa í heiminn, undan Sæ frá Bakkakoti og Föstu frá Hofi. Hún hefur fengið nafnið Fregn frá Hamarsey. Fasta fór undir Hróð frá Refsstöðum.

Háski er undan Kráki frá Blesastöðum og Hrund frá Árbæ. Hann fæddist daginn sem Suðurlandsskjálftinn 2008 - 6,3 á Richter reið yfir og þaðan kemur nafnið á honum. Allir undruðust blesuna þar sem hvorki Krákur né Hrund eru stjörnótt, hvað þá blesótt. Hins vegar eru stjörnur í öfum og ömmum Háska og þar hefur hann krækt í það gen.

Þrá fæddist í lok maí 2008. Hún er undan klárhryssunni Þrumu frá Hólshúsum (sjá í Hryssur) og Þokka frá Kýrholti. Þrá er fífilbleik á litinn og með litla stjörnu eins og mamma sín. Þruma fór til Álfs frá Selfossi á folaldsgangmálinu og var hún sónuð fylfull nú um miðjan júní. 

Þrá var seld til Frakklands haustið 2008.

Hrafnar er gríðarlega spennandi foli. Foreldrar hans eru einir mestu töltarar Íslandssögunnar. Hann er brúnstjörnóttur, framfallegur, reistur og sperrtur. Hann hefur skásetta bóga og mjúka yfirlínu, fótahár og fríður. Nokkurra daga gamall fór hann mikið á skeiði og tölti en eftir því sem vikurnar liðu fór brokkið að verða ráðandi.

BLUP 120