Þjálfunaraðferð sem virkar

Í aldaraðir hefur sund verið nýtt sem þjálfunaraðferð fyrir hross. Rómverjar til forna nýttu sund til að auka úthald og styrk stríðshesta sinna. Hermenn Napóleons héldu stórar sýningar þar sem gæðingar þeirra kepptu í kappsundi. Íslendingar hafa löngum látið hesta sína synda í ám, vötnum og sjó. Ekki þó alltaf til þjálfunar heldur einnig til að losa þá við óværð úr húð og feldi. Það þarf ekki að kenna hestum að synda, þeir eru sundgarpar af náttúrunnar hendi, en hversu mikla ánægju hrossin fá úr sundinu veltur á sjálfsöryggi hans í vatninu og reynslu. Fjölmargar rannsóknir hafa verið gerðar erlendis á sundþjálfun en í gangi er rannsókn Anítu M. Aradóttur sem fylgdi eftir hrossum í sundþjálfun hjá Faxahestum síðastliðið sumar. Niðurstöðurnar hafa enn ekki verið birtar en í þessari grein er stuðst við rannsóknarniðurstöður og fræðilegar staðreyndir úr ritgerð Anítu.