Linda frá Feti, hágeng klárhryssa, líklega mikið skeið á bakvið en ekker t verið átt við það. Hún fór í dóm á Hellu vorið 2009 og fór í 1. verðlaun með þrjár 9,0.

Sköpulag: 7,99
Hæfileikar: 8,06
Aðaleinkunn: 8,04

Vakning er undan heiðursverðlaunahryssunni Vöku frá Ási I en Vaka hefur gefið sex 1. verðlauna afkvæmi. Faðir Vakningar er heiðursverðlaunahesturinn Galsi frá Sauðárkróki. Vakning er geðgóð en harðviljug. Hún hefur góð gangskil og mikla skreflengd og er flugvökur.

Sköpulag: 7,70
Hæfileikar: 8,19
Aðaleinkunn: 8,00

Fasta er gullfalleg 1. verðlauna hryssa undan Núma frá Þóroddstöðum. Hún hefur fallegan frampart og frábæra fótagerð. Fasta er hágeng alhliða hryssa.

Sköpulag: 8,35
Hæfileikar: 8,03
Aðaleinkunn: 8,16

Hrund er skrefmikil alhliðahryssa undan heiðursverðlaunahestinum Keili frá Miðsitju. Móðir Hrundar er Hrefna frá Árbæ undan heiðursverðlaunahestinum Kraflari frá Miðsitju og Hnotu frá Stóra-Hofi sem var undan Stíg frá Kjartansstöðum og Náttfaradótturinni Löpp frá Stóra-Hofi.

Sköpulag: 7,95
Hæfileikar: 8,05
Aðaleinkunn: 8,02

Selma 5 vetra undan Óði frá Brún er gæðingur með 8,02 fyrir byggingu og 9,0 fyrir tölt, 8,5 fyrir brokk og fegurð í reið og 9,0 fyrir vilja/geðslag. Selma er fylfull við Hróðri frá Refsstöðum.

Sköpulag: 8,02
Hæfileikar: 8,15
Aðaleinkunn: 8,10

Sara 6 vetra er hágeng alhliða hryssa sem fór í 1. verðlaun í fyrra 8,08 en bætti nú um betur og fór í 8,25 í aðaleinkunn. Hún lækkaði að vísu í byggingu á milli ára, fékk 8,31 í fyrra en fékk 8,22 nú. Hins vegar er hún jöfn að gangtegundum, fékk 8,5 fyrir tölt, 8,0 fyrir brokk, stökk og skeið og 8,5 fyrir vilja/geðslag og fegurð í reið.
 

Sköpulag: 8,22
Hæfileikar: 8,28
Aðaleinkunn: 8,25

Gasella 7 vetra er flugvökur viljasprengja. Hún er lagleg á tölti, botnvökur og fékk 9,0 fyrir skeið og vilja/geðslag. Gasella er sérstaklega framfalleg, með grannan og langan háls og frítt höfuð. Gasella fer undir Álf frá Selfossi fyrir Landsmót.

Bygging: 8,11
Hæfileikar: 8,28
Aðaleinkunn: 8,21

Álaborg frá Feti er undan Orra frá Þúfu og einni farsælustu kynbótahryssu Fetbúsins, Ísafold frá Sigríðarstöðum. Álaborg var einungist sýnd 4vetra og varð í þriðja sæti á LM2004 í þeim flokki.

Sköpulag: 8,26
Hæfileikar: 8,24
Aðaleinkunn: 8,25

Þruma frá Hólshúsum er vel gerð klárhryssa, stór og sköruleg.  

Sköpulag: 8,46
Hæfileikar: 8,36 
Aðaleinkunn: 8,40

Sköpulag: 8,02
Hæfileikar: 8,62
Aðaleinkunn: 8,38