Röskva er flink fjögurra vetra hryssa. Hún er undan Hætti frá Þúfum, keppnishesti Mettu Manseth, sem er undan Eið frá Oddhóli og ræktunarhryssunni Lygnu frá Stangarholti. Móðir Röskvu, Sletta frá Sauðárkróki, hefur verið að gefa gott, hún er undan heiðursverðlaunahestinum Anga frá Laugarvatni og Hervöru frá Sauðárkróki sem var undan heiðursverðlaunahrossunum Hrafni frá Holtsmúla og Síðu frá Sauðárkróki.

Röskva frá Sauðárkróki, knapi Ólafur Andri Guðmundsson. Ólafur Andri hefur séð um þjálfun Röskvu síðastliðnar vikur, en hann er yfirtamningamaður í Austurási.

Afar Röskvu, Eiður og Angi, hafa ekki verið þekktir fyrir að gefa geðluðrur, hins vegar er Röskva ljúf sem lamb í flesta staði, helst til hörð í öðrum hrossum, en þæg og góð í reið og umgengni. Röskva er með jafnar gangtegundir, flott á öllum fimm. Stefnt er með Röskvu á LM2011 í Skagafirði á næsta ári. 

Röskva is a 4 year old big and beautiful promising mare. She has been registered for breeding show, conformation judgement, next week. She has a strong pedigree with honorary price horses all around in her family tree. We are aiming with this one towards Landsmot 2011 in Vindheimamelar.